Թերսնման պատճառով Արցախում հղի կանայք արդեն կորցնում են երեխաներին․ Տաթևիկ Հայրապետյան

Թերսնման պատճառով Արցախում հղի կանայք արդեն կորցնում են երեխաներին: Այս մասին 24TV-ի եթերում նշեց ադրբեջանագետ Տաթևիկ Հայրապետյանը։

Հայրապետյանի համոզմամբ, Աղդամից ադրբեջանական օգնություն ընդունելը նշանակում է ոչնչացնել Արցախի պետական ատրիբուտները, նշանակում է հրաժարվել ամեն ինչից՝ նախագահից, դրոշից, պետական ինստիտուտներից ու խորհրդանիշներից։ Ադրբեջանագետի պնդմամբ, Արցախի շրջափակումը կարող է ուղեկցվել նաև ռազմական միջամտությամբ։

Ըստ Հայրապետյանի՝ իրավիճակն իսկապես օրհասական է, իսկ Հայաստանի իշխանությունները անգործության են մատնված, ոչինչ չեն անում և ձախողել են ամեն ինչ։ Ադրբեջանագետի կարծիքով, սա պայքար է և զրկանքներին դիմանալով ու արժանապատիվ կերպով հաղթահարենք այն։