Մենք Ադրբեջանի հետ որևէ սահմանային խնդիր չունենք. Իրանի ԶՈՒ ԳՇ պետ
Բարեբախտաբար, մեր հարաբերությունները Ադրբեջանի հետ զարգանում են։ Մենք այդ երկրի հետ որևէ սահմանային կամ անվտանգային խնդիր չունենք: Այս մասին հայտարարել է Իրանի Զինված ուժերի Գլխավոր շտաբի պետ Մոհամադ Բաղերին։ Իրանցի զինվորականի այս հայտարարությունը հնչել է երկրի բանակային հրամանատարության՝ Ադրբեջանին սահմանակից շրջաններ կատարած այցի ժամանակ։ Նա մասնավորապես ասել է․
«Փառք Աստծո, մեր երկու երկրների տնտեսական կապերը օր-օրի ավելի են զարգանում և խորանում։ Իսկ մեր այցերը սահման պարբերական, ամենամյա բնույթ են կրում», - հայտարարել է գեներալը։
Դրա հետ մեկտեղ՝ Իրանի Զինված ուժերի Գլխավոր շտաբի պետն ընդունել է, որ Ադրբեջանի հետ սահմանի երկայնքով սահմանապահներից բացի նաև բանակային ստորաբաժանումներ են տեղակայված։
«Այս ուժերն այստեղ են մեր սիրելի երկրի սահմանները պաշտպանելու նպատակով», - ասել է նա։
