Ուկրաինայի դեսպանն առաջարկել է հացահատիկ մատակարարել Ռումինիայի և Բուլղարիայի ջրերով

Ուկրաինան առաջարկում է իր հացահատիկի մատակարարումը կազմակերպել Ռումինիայի և Բուլղարիայի տարածքային ջրերով, հայտարարել է Թուրքիայում Ուկրաինայի դեսպան Վասիլի Բոդնարը։ Նրա խոսքով, Կիևը հնարավորություն ունի ներգրավելու ընկերությունների, որոնք պատրաստ են նավեր տրամադրել հացահատիկի փոխադրման համար։ 

«Մեր տեսանկյունից դա կարող է իրականացվել նույնիսկ առանց օգտագործելու համաձայնեցված երթուղին (Ռուսաստանի, Թուրքիայի և ՄԱԿ-ի հետ), այլ Ռումինիայի և Բուլղարիայի տարածքային ջրերով։ Սա նաև ռիսկերը նվազագույնի հասցնելու հնարավոր տարբերակ է։ Իհարկե, պետք է լինի միջազգային հանրության պատասխանատվությունը»,- ասել է դիվանագետը հեռուստամարաթոնի ժամանակ։

Հացահատիկի գործարքը Ռուսաստանի և Ուկրաինայի միջև կնքվել է Թուրքիայի և ՄԱԿ-ի աջակցությամբ 2022 թվականի ամռանը։ Այն նախատեսում էր ուկրաինական հացահատիկի արտահանում Սև ծովով և վերացում ռուսական պարարտանյութերի ու սննդամթերքի մատակարարման խոչընդոտները։ Հացահատիկի գործարքն ավարտվել է հուլիսի 18-ին՝ ռուսական կողմի չկատարված պահանջների պատճառով։ Ուկրաինան ՄԱԿ-ի երկրներին կոչ է արել Ռուսաստանից պահանջել վերսկսել հացահատիկի գործարքը։