Կդիմենք ավելի կոշտ գործողությունների․ Արայիկ Հարությունյանը՝ Արցախում իրավիճակի մասին

Արցախի նախագահ Արայիկ Հարութունյանը նստացույց է հայտարարում:  

«Հաշվի առնելով առկա ծանրագույն իրավիճակն ու վերահաս հումանիտար ու անվտանգային աղետը, ես որոշել եմ դիմել ծայրահեղ միջոցի, այն է՝ հենց այս պահից Ստեփանակերտի վերածննդի հրապարակում միանալ բազմաթիվ քաղաքացիների կողմից մեկնարկված նստացույցին։Սա լրացուցիչ ջիգ ու ահազանգ է միջազգային գործնական ուշադրություն գրավելու, հորդորելու միջազային հանրությանը՝ կատարել ստանձնած պարտավորությունները, մղելու հայ ժողովրդին և մեր բոլոր բարեկամներին ակտիվ ու անհապաղ գործողությունների»,- հայտարարել է նա:

Քիչ առաջ ավարտված իր ուղերձում Արայիկ Հարությունյանը Արցախի և աշխարհի հայությանը կոչ է անում միանալ նստացույցին։ 

«Եթե մեկ շաբաթվա ընթացքում միջազգային միջամտությամբ Արցախի ժողովրդի վիճակը չվերադառնա քիչ թե շատ բնականոն հուն, կդիմենք ավելի կոշտ գործողությունների»,- ասել է Հարությունյանը՝ հավելելով, որ պահը օրհասական է։