Ստամբուլը նախապատրաստվում է հնարավոր ավերիչ երկրաշարժին

Թուրքիայի իշխանությունները հայտարարել են Ստամբուլում հնարավոր հզոր երկրաշարժի նախապատրաստման մեկնարկի մասին, ինչի մասին նախազգուշացրել են սեյսմոլոգները։ Այս մասին մամուլի ասուլիսի ժամանակ հայտարարել է Թուրքիայի էկոլոգիայի եւ քաղաքաշինության նախարար Մեհմեդ Օժասեքին, փոխանցում է ՏԱՍՍ-ը։

«Մենք հանդիպեցինք  Ստամբուլի քաղաքապետ Էքրեմ Իմամօղլուի և շրջանների ղեկավարների հետ քննարկելու հնարավոր երկրաշարժի մասին, մենք սկզբունքային համաձայնություն ձեռք բերեցինք», - ասել է նա։

Օժասեկին ասել է, որ 17 միլիոնանոց քաղաքը աղետին նախապատրաստելու աշխատանքները կսկսվեն հաջորդ շաբաթ:

Հուլիսի 12-ին սեյսմոլոգիայի պրոֆեսոր, Ստամբուլի քաղաքապետարանի երկրաշարժերի գծով գիտնականների խորհրդի անդամ Հալուք Էյդողանը կանխատեսել է 7,2-7,6 մագնիտուդ ուժգնությամբ ստորգետնյա ցնցումներ Մարմարա ծովում։ Մինչև 2030 թվականը սեյսմիկ իրադարձության հավանականությունը, ըստ նրա, մոտ 50 տոկոս է։ Գիտնականը եզրակացությունն արել է՝ հիմնվելով տարածաշրջանի երկրաշարժերի 2000-ամյա պատմության մանրամասն ուսումնասիրության, ինչպես նաև ժամանակակից երկրաֆիզիկական և սեյսմիկ ուսումնասիրությունների վերլուծության վրա։