ՀՀ-ում առաջիկայում անոմալ շոգեր չեն գրանցի, առավելագույն ջերմաստիճանը կհասնի 38-ի․ Սուրենյան

ՀՀ-ում առաջիկայում անոմալ շոգեր չեն գրանցի, առավելագույն ջերմաստիճանը կհասնի 38-ի։ Այս մասին Sputnik Արմենիայի հետ զրույցում ասել է Հիդրոօդերևութաբանության և մոնիթորինգի կենտրոնի տնօրենի տեղակալ Գագիկ Սուրենյանը։ 

«Հուլիսի 19–ից 21–ը օդի ջերմաստիճանը հանրապետության տարածքում 5-7 աստիճանով բարձրանալու է: 

Ամենաբարձր ջերմաստիճանը կլինի հուլիսի 20-21–ին Երևանի ցածրադիր հատվածներում, Արարատյան դաշտում, Սյունիքի հովտային գոտում` մինչև 38 աստիճան։ Այսպիսի տարի մենք ունեցել ենք 2009-ին, երբ Հայաստանը գտնվել է Սև ծովից եկող համեմատաբար սառը օդային հոսանքների ազդեցության գոտում, որոնք իրենց հետ բերում են և՛ տեղումներ, և՛ օդի ջերմաստիճանի նվազում», - ասել է Սուրենյանը։ 

Նա հավելել է, որ անոմալ շոգ է համարվում, երբ օդի ջերմաստիճանը 40 և ավելի է լինում։