Արագությունը գերազանցելու դեպքում կզրկվես ավտոմեքենայից. Ավստրիայի նոր օրինագիծը

Ավստրիայի խորհրդարանը հավանություն է տվել օրինագծին, որը թույլ կտա իշխանություններին առգրավել այն մեքենաները, որոնց վարորդները զգալիորեն գերազանցել են թույլատրելի արագությունը։ Այս մասին հայտնում է Европейская правда-ն`  հղում կատարելով AP-ին։

Օրենքը նախատեսում է թույլատրելի արագությունը 60 կմ/ժ-ից ավելի, իսկ քաղաքներից դուրս 70 կմ/ժ-ով գերազանցող անձանց մեքենաների ժամանակավոր բռնագրավում։ Կրկնվող խախտումների դեպքում տրանսպորտային միջոցները կարող են մշտապես առգրավվել և աճուրդի հանվել։

Բնակավայրերում թույլատրելի արագությունը գերազանցող 80 կմ/ժ-ով կամ բնակավայրերից դուրս 90 կմ/ժ-ով գերազանցող տրանսպորտային միջոցները կարող են ընդմիշտ առգրավվել առաջին իսկ խախտումից հետո:

Սպասվում է, որ այս օրենքն ուժի մեջ կմտնի 2024 թվականի մարտին։ Ավստրիայի կլիմայի և տրանսպորտի նախարար Լեոնոր Գևեսլերը օրենքի ընդունումից առաջ հայտարարել է, որ «կա արագություն, որից բարձր մեքենան դառնում է զենք»։

«Այժմ մենք վերջ կտանք դրան և կապահովենք, որ խախտողները անհապաղ և ընդմիշտ կհանեն իրենց զենքերը իրենց ձեռքից»,- հավելել է նա։