ԱՄՆ-ն նախապես գիտեր Պրիգոժինի ապստամբության մասին. ԿՀՎ ղեկավարի հայտարարությունները՝ ՌԴ-ի վերաբերյալ

ԱՄՆ Կենտրոնական հետախուզական վարչության տնօրեն Ուիլյամ Բերնսը «Վագներ» մասնավոր ռազմական ընկերության ղեկավար Եվգենի Պրիգոժինի զինված ապստամբությունից գրեթե մեկ ամիս անց ասել է, որ ԱՄՆ-ն սպասվող իրադարձությունների մասին նախապես գիտեր։ Այս մասին հայտնում է РИА Новости-ն:

«ԱՄՆ նախագահ Ջո Բայդենը լակոնիկ ձևակերպեց, երբ ասաց, որ մենք նախապես գիտեինք: Ես այլ մանրամասների մեջ չեմ խորանա»,- ասել է Բերնսը Ասպենի անվտանգության ֆորումում:

Ինչպես նշում է BBC-ն, Բերնսը նաև ասել է, որ Ռուսաստանի նախագահ Վլադիմիր Պուտինը ժամանակ է շահում՝ փորձելով հասկանալ, թե ինչպես վարվել Պրիգոժինի հետ։

Հաղորդվում է նաև, որ այս ապստամբությունը, ըստ ԿՀՎ ղեկավարի, բացահայտեց Պուտինի ստեղծած իշխանության համակարգի թույլ կողմերը։