ՏԵՍԱՆՅՈՒԹ․ Ինչպես են ուժայինները պատրաստվում վնասազերծել Քիշնևի օդանավակայանում կրակ բացած տղամարդուն
Ցանցում հայտնվել է տեսանյութ, որում, ենթադրաբար, Մոլդովայի հատուկ նշանակության ուժերը պատրաստվում են Քիշնևի օդանավակայանում վնասազերծել կրակողին։
Ինչպես արդեն հայտնել ենք՝ Քիշնևի օդանավակայանը վերսկսել է կանոնավոր թռիչքները այն բանից հետո, երբ հրաձգության դեպքից հետո երկու մարդ է զոհվել, ևս մեկը վիրավորվել է։ Ժամանող ուղևորներին ուղեկցում են պաշտոնական պատվիրակությունների սրահով։
Sputnik Մոլդովան, հղում անելով Flightradar-ին, նշում է, որ օդանավակայանից առաջին չվերթը Վարշավա է մեկնել տեղական ժամանակով 20։23-ին (համընկնում է Մոսկվայի ժամանակով)։
Հրաձգության ժամանակ զոհվել է սահմանապահը և օդանավակայանի անվտանգության աշխատակիցը, վիրավորվել է մեկ ուղեւոր։ Կրակոցներից հետո ահաբեկչության մասին հոդվածով գործ է հարուցվել։
Մոլդովայի գլխավոր դատախազը հայտնել է, որ հրաձիգը՝ Տաջիկստանի քաղաքացին, որին Մոլդովա թույլ չեն տվել մուտք գործել, հոսպիտալացվել է ծանր վիճակում, նրան ցմահ ազատազրկում է սպառնում։
