Կարևորել ենք հունիս ամսից Երևան-Լոնդոն ուղիղ չվերթների մեկնարկը. Դավիթ Խուդաթյան
ՏԿԵ նախարար Դավիթ Խուդաթյանը տելեգրամում գրել է.
«Այսօր ընդունել եմ Հայաստանում Միացյալ Թագավորության արտակարգ և լիազոր դեսպան Ալեքսանդրա Քոուլին։ Ողջունել եմ դեսպանին և կարևորել Հայաստանի և Միացյալ Թագավորության միջև հարաբերությունների շարունակական զարգացումը։ Դեսպանն իր հերթին ընդգծել է՝ Հայաստան - Միացյալ Թագավորություն հարաբերությունները ռազմավարական գործընկերության մակարդակում են։
Հանդիպման ժամանակ քննարկել ենք ենթակառուցվածքային ծրագրեր։ Դեսպանին տեղեկացրել եմ, որ ՏԿԵ նախարարությունը խոշոր ենթակառուցվածքային ծրագիր է իրականացնում և շատ ցանկալի կլինի այդ ծրագրերում, միջազգային մրցույթներում տեսնել ՄԹ ընկերությունների։ Անդրադարձ ենք կատարել նաև «Խաղաղության Խաչմերուկ» նախաձեռնությանը։ Երկուստեք կարևորել ենք հունիս ամսից Երևան - Լոնդոն ուղիղ չվերթների մեկնարկը, որը հնարավորություն կտա էլ ավելի զարգացնել երկու երկրների հարաբերություններն ինչպես առևտրատնտեսական, այնպես էլ զբոսաշրջության ուղղությամբ»։
