Մտադիր եմ հանրային Նոյյան տապան ստեղծել. Գագիկ Ծառուկյանը կմասնակցի ընտրություններին

ԲՀԿ առաջնորդ Գագիկ Ծառուկյանը համարում է, որ իր «Առաջարկ Հայաստանին» նախընտրական ծրագիրը քաղաքական, հանրային Նոյյան տապան է լինելու, որտեղ կհավաքվեն բոլոր հետաքրքիր առաջարկները, լուծումները։

Ծառուկյանը նշել է, որ դեռ ամիսներ առաջ հայտարարել է «Առաջարկ Հայաստանին» ծրագրի մեկնարկի մասին` համոզված լինելով, որ պետությունները կորուստներից հետո վերականգնվում են ծրագրերի, գաղափարների, կամքի և երկրին նվիրված, ունակ մարդկանց համախմբման շնորհիվ։

«Միայնակ փրկվել հնարավոր չէ։ Մեր խնդիրներն այնքան խորն են, վիճակը՝ այնքան բարդ, որ այլ մոտեցում է պետք։ Եթե ուզում ենք դուրս գալ այս վիճակից, պետք է ստեղծենք պետական, գիտական, մասնագիտական մտքի «նոյյան տապան», որտեղ կուսակցական պատկանելությունը ոչ մի նշանակություն չունի»,–ասել է նա։