Ռուսները նույնպես պատրաստվում էին․ Ուկրաինայի վարչապետը՝ հակահարձակման մասին

Ուկրաինայի օկուպացված տարածքներն ազատագրելու համար ժամանակ է պետք, ասել է Ուկրաինայի վարչապետ Դենիս Շմիգալը՝ անդրադառնալով ուկրաինական հակահարձակմանը։

The Guardian-ը, գրում է, որ Շմիգալը վստահ է ուկրաինական հաջողության հարցում։ 

«Մենք կիրականացնենք շատ խելամիտ, հարձակողական գործողություններ: Եվ, հետևաբար, դրա համար ժամանակ կպահանջվի: Բայց մենք մտադիր ենք շարժվել և առաջ գնալ: Մենք առաջ ենք գնալու: Եվ ես բացարձակ լավատես եմ ռուսների կողմից մեր բոլոր օկուպացված հողերի ազատագրման հարցում»,- ասել է Ուկրաինայի վարչապետը։

Ըստ նրա՝ ռուսները նույնպես պատրաստվում էին հակահարձակմանը, ականապատել են բազմաթիվ տարածքներ, որը «բարդացնում է մեր պաշտպանների առաջխաղացումը»։ 

«Դժբախտաբար, այս հակահարձակման մեր նախապատրաստության ընթացքում ռուսները նույնպես պատրաստվում էին, ուստի այնտեղ այնքան ականապատ դաշտեր կան, ինչը իսկապես դանդաղեցնում է շարժը»,- ասել է նա։