Ղազախստանն ու Ադրբեջանն Անդրկասպյան միջազգային տրանսպորտային երթուղու զարգացման ընկերության ստեղծման մասին համաձայնագիր են ստորագրել։ Այս մասին հայտնում են ադրբեջանական լրատվամիջոցները։

Ինչպես գրում են վրացական լրատվամիջոցները՝ վաղը սպասվում է Ղազախստանի վարչապետ Ալիխան Սմայիլովի այցը, որի ընթացքում փաստաթուղթը կստորագրի նաև Վրաստանը։

Նշվում է, որ ընկերության գլխավոր խնդիրը լինելու է Չինաստանի և Եվրոպայի միջև բեռնափոխադրումների իրականացումը։ Հաղորդվում է, որ երթուղու երկայնքով ապրանքների առաքման ժամկետը մի քանի անգամ կկրճատվի։