Պատմական նվաճում. ՀՀ ըմբշամարտի ընտրանին առաջին անգամ թիմային հաշվարկում զբաղեցրել է առաջին տեղը
Հայաստանի ըմբշամարտի ֆեդերացիան հայտնել է պատմական նվաճման մասին` ստորև գրելով.
«Ազատ ոճի ըմբշամարտի Հայաստանի պատանեկան հավաքականը Եվրոպայի առաջնության թիմային հաշվարկում զբաղեցրել է ԱՌԱՋԻՆ տեղը։
Հայաստանի Հանրապետության պատմության մեջ առաջին անգամ ըմբշամարտի մեր ընտրանին հաղթում է թիմային պայքարում: Այս հաջողությանը մեր ոչ մի տարիքային հավաքական չէր հասել (ազատ ոճ և հունահռոմեական ոճ):
Ազատ ոճայինները ԵԱ էին մեկնել 10 ըմբիշով:
Նրանցից 9-ը պայքարել է մեդալի համար: Նվաճել ենք 1 ոսկե, 5 արծաթե և 2 բրոնզե մեդալ»։
