Դոնալդ Թրամփը շարունակում է օգուտ քաղել դատական վերջին հայցերից

ԱՄՆ նախկին նախագահ Դոնալդ Թրամփը շարունակում է օգուտ քաղել դատական վերջին հայցերից։ Ինչպես գրում է Российская Газета-ն՝ քաղաքական գործչի ներկայացուցիչն ասել է, որ 7 միլիոն դոլար է նվիրաբերվել Թրամփի նախընտրական ֆոնդին՝ նախկին նախագահի դեմ մեղադրանք առաջադրվելուց հետո: 

Հանրապետականը շարունակում է պնդել իր տեսակետը այն մասին, որ իրեն առաջադրված մեղադրանքը քաղաքական հետապնդում է։ Reuters-ի և Ipsos ինստիտուտի կողմից անցկացված սոցհարցման համաձայն՝ հանրապետական ​​ընտրողների 81 տոկոսը կարծում է, որ գործընթացը քաղաքական դրդապատճառներ ունի: 

Թրամփն այժմ նաև մոտ 43 տոկոսով հանրապետականների նախընտրելի թեկնածուն է՝ առաջ անցնելով Ֆլորիդայի նահանգապետ Ռոն ԴեՍանտիսից, որն ունի 22 տոկոս: