Swarovski-ն ամբողջությամբ դուրս է եկել ռուսական բիզնեսից
Ավստրիական Swarovski ընկերությունն ամբողջությամբ ավարտին է հասցրել ռուսական բիզնեսից իր դուրս գալը։ Այս մասին հայտնում է Austrian Press գործակալությունը՝ վկայակոչելով ընկերության գործադիր տնօրեն Ալեքսիս Նազարդին։
Նրա խոսքով՝ Ռուսաստանից դուրսբերումն ամբողջությամբ ավարտվել է այս տարվա ընթացքում։
Հիշեցնենք, որ Swarovski ընկերությունը, որը վաճառում է բյուրեղյա զարդեր, ժամանակավորապես փակել է իր խանութները Ռուսաստանում և դադարեցրել ապրանքների առցանց վաճառքը 2022 թվականի մարտին։
Ավելի վաղ հաղորդվում էր, որ աշխարհում թվով 4-րդ սուրճ արտադրող, գերմանական Tchibo GmbH ընկերությունը լքել է Ռուսաստանը։
