Քաղաքականություն

ԵՄ դիտորդներն այցելել են Երասխի մետալուրգիական գործարանի կառուցման գոտի

ԵՄ դիտորդներն այցելել են Երասխի մետալուրգիական գործարանի կառուցման գոտի
ԵՄ դիտորդներն այցելել են Երասխի մետալուրգիական գործարանի կառուցման գոտի, որը գտնվում էր ադրբեջանական կրակոցների տակ, այս մասին թվիթերյան իր էջում հայտնել է ՀՀ ԱԳ փոխնախարար Վահան…

ԵՄ դիտորդներն այցելել են Երասխի մետալուրգիական գործարանի կառուցման գոտի, որը գտնվում էր ադրբեջանական կրակոցների տակ, այս մասին թվիթերյան իր էջում հայտնել է ՀՀ ԱԳ փոխնախարար Վահան Կոստանյանը։ 

 

ՀՀ ՊՆ-ն այսօր հայտնել էր, որ Երասխում Բաքվի կողմից հայկական դիրքերի գնդակոծման ժամանակ օտարերկրյա երկու քաղաքացի է վիրավորվել։

 

Նրանք Հնդկաստանի քաղաքացիներ են, որոնք ներգրավված են օտարերկրյա ներդրումների միջոցով կառուցվող մետալուրգիական գործարանի կառուցման շինարարական աշխատանքներում։ Ավելի վաղ ՀՀ պաշտպանության նախարարությունը տեղեկացրել էր, որ հունիսի 13-ին ադրբեջանական զինուժը գնդակոծել է Երասխ գյուղի մերձակայքում գտնվող հայկական դիրքերը։ 

 

«Երասխի ուղղությամբ ադրբեջանական զինուժի հրետակոծության հետևանքով վնասվել է քաղաքացիական մեքենա և ևս մեկ օբյեկտ»,- հայտնում էր գերատեսչությունը։ 

 

ՀՀ ԱԳՆ-ն ավելի ուշ հայտնել էր, որ հունիսի 13-ին ադրբեջանական կողմն ուղղորդված կրակ է բացել Երասխում կառուցվող մետալուրգիական գործարանի ուղղությամբ։ 

 

«Այժմ, գնդակոծելով կառուցվող գործարանը, Ադրբեջանը բացահայտ արհամարհանք է ցուցաբերում ՀՀ միջազգայնորեն ճանաչված սահմանների, մարդու իրավունքների և միջազգային իրավունքի նկատմամբ»,- ասված էր հայտարարությունում:

Նմանատիպ հոդվածներ

Ավելին Քաղաքականություն բաժնից

AURORA TV

Դիտել ուղիղ եթեր

Արագ որոնում

Հանրաճանաչ թեմաներ

Հայաստան (7388) Միջազգային (3230) ԱՄՆ (2281) Ռուսաստան (2092) Իրան (1735) Ընտրություններ (1272) Ուկրաինա (821) Երևան (797) Իսրայել (759) Ադրբեջան (619) Փաշինյան (558) Եվրոպա (510) Ընդդիմություն (436) Թրամփ (428) Ազգային ժողով (407)

Radio Aurora

Լսել Radio Aurora

Գովազդային տարածք

300x250