ՏԵՍԱՆՅՈՒԹ. Վաշինգտոնում հանդիպման հետաձգումը պայմանավորված է Էրդողանի Բաքու այցելությամբ. Եղոյան
ԱԺ ՔՊ խմբակցության պատգամավոր Արման Եղոյանը լրագրողների հետ ճեպազրույցում անդրադարձել է Վաշինգտոնում կայանալիք բանակցությունների չեղարկմանը: Լրագրողի այն հարցին, թե ո՞րն է պատճառը, որ ադրբեջանական կողմի խնդրանքով հետաձգվել են վաշինգտոնյան քննարկումները, նա պատասխանել է.
«Իմ ենթադրությունն այն է, որ իրենք հյուր ունեին այս օրերին, մասնավորապես, արդեն տեղեկությունը դուք իմացաք, որ Թուրքիայի նախագահն է պատրաստվում այցելել Ադրբեջան, Բաքու: Իմ կարծիքով իրենց արտգործնախարարը այդ օրերին չէր կարող բացակայել իրենց երկրից»,- ասել է Եղոյանը:
Հիշեցնենք, որ ՀՀ ԱԳՆ մամուլի խոսնակը ֆեյսբուքյան էջում հայտնել էր, որ ադրբեջանական կողմի խնդրանքով մյուս շաբաթ Վաշինգթոնում նախատեսվող քննարկումների հերթական փուլը հետաձգվում է:
Մանրամասները` տեսանյութում:
