Ծանրամարտի աշխարհի առաջնությունը չի կայանա Հայաստանում. ընտրվել է Բահրեյնը
Ծանրամարտի աշխարհի 2024 թվականի առաջնությունը չի կայանա Հայաստանում: Այս մասին տեղեկանում ենք «Արմենպրես»-ից։
Նշվում է, որ Կուբայի մայրաքաղաք Հավանայում կայացած նիստի ընթացքում Ծանրամարտի միջազգային ֆեդերացիան որոշել է, թե որ երկիրը հաջորդ տարի կհյուրընկալի աշխարհի առաջնությունը։
Հայտնի է, որ առաջնությունը կկայանա Բահրեյնում:
Հիշեցնենք՝ ծանրամարտի աշխարհի առաջնությունը հյուրընկալելու հայտ էին ներկայացրել նաև Հայաստանն ու Ալբանիան։ Հայաստանն ընթացիկ տարում հյուրընկալել էր ծանրամարտի Եվրոպայի առաջնությունը, որը Օլիմպիական խաղերի համար վարկանիշային էր:
