Եռակողմ հանդիպումը տևել է մոտ 20 րոպե
ՌԴ նախագահ Վլադիմիր Պուտինի, Հայաստանի վարչապետ Նիկոլ Փաշինյանի և Ադրբեջանի նախագահ Իլհամ Ալիևի եռակողմ հանդիպումը տևել է մոտ 20 րոպե։ Այս մասին գրել է РИА Новости-ն։
Մինչ եռակողմ հանդիպումը ՌԴ ղեկավարը երկկողմ հանդիպումներ էր անցկացրել բանակցությունների մասնակիցներից յուրաքանչյուրի հետ։
Հայաստանի վարչապետ Նիկոլ Փաշինյանը հինգշաբթի, ելույթ ունենալով Եվրասիական տնտեսական բարձրագույն խորհրդի նիստում, հաստատել է Երևանի պատրաստակամությունը՝ բացել հաղորդակցությունները Հարավային Կովկասում այն երկրների ինքնիշխանության և իրավասության շրջանակներում, որոնցով նրանք անցնում են։
Ալիևն իր հերթին ասել է, որ Ադրբեջանի և Հայաստանի միջև հարաբերությունների կարգավորման լուրջ նախադրյալներ կան՝ հիմնված միմյանց տարածքային ամբողջականության ճանաչման վրա։
