Քըլըչդարօղլուն գազային հանգույցն անվանել է սպառնալիք Թուրքիայի համար
Թուրքիայի նախագահի ընդդիմադիր թեկնածու Քեմալ Քըլըչդարօղլուն չորեքշաբթի տված հարցազրույցում ասել է, որ Թուրքիայում գազային հանգույց ստեղծելու գաղափարը վտանգավոր է Անկարայի համար և սպառնում է երկրի էներգետիկ անկախությանը։
«Ես դեմ չեմ լինի Մոսկվայի հետ լավ հարաբերություններին, ընդհակառակը, որոշ ոլորտներում, ինչպիսիք են նավթաքիմիական արդյունաբերությունը, ալյումինը, տեխնոլոգիական ենթակառուցվածքը ստացվել են Ռուսաստանի Դաշնությունից: Սակայն ես դեմ եմ Թուրքիայի էներգետիկ կախվածությանը Ռուսաստանից»,- ասել է Քըլըչդարօղլուն՝ պատասխանելով Babala TV Youtube ալիքի հեռուստադիտողների հարցերին։
Նրա խոսքով, այդ կախվածությունը «չափազանց վտանգավոր է» և կարող է ապագայում մեծ խնդիրներ ստեղծել Թուրքիայի համար։
«Դուք ասում եք, որ պայմանագիր եք կնքել Ռուսաստանի Դաշնության հետ գազային հանգույցի ստեղծման վերաբերյալ, եթե հիմա Թուրքիան էներգետիկ առումով 30-40 տոկոսով կախված է Ռուսաստանի Դաշնությունից, ապա հանգույցի ստեղծմամբ կախվածությունը կհասնի 70-80 տոկոսի, սա կապիտուլյացիա է, մենք պարտվելու ենք»,- ասել է թեկնածուն։
Թեկնածուն ստեղծված իրավիճակից ելքը համարում է Արեւելյան Միջերկրական ծովի հանքավայրերից գազի զեղչով վաճառքը եվրոպական երկրներին՝ առանց հանգույցից օգտվելու։
