Բայդենը և Ներկայացուցիչների պալատի նախագահը չեն կարողացել համաձայնության գալ ազգային պարտքի շուրջ
Պարտքի առաստաղի մասին բանակցությունները նախագահ Ջո Բայդենի հետ արդյունավետ են եղել, սակայն համաձայնություն դեռ պետք է ձեռք բերել, ասել է Ներկայացուցիչների պալատի խոսնակ Քևին Մաքքարթին։
«Այսօրվա տոնայնությունն ավելի լավն էր, քան ցանկացած այլ ժամանակ, երբ մենք քննարկումներ ենք ունեցել», - հանդիպումից հետո լրագրողներին ասել է Մաքքարթին:
Նրա խոսքով՝ ինքն ու Բայդենը «արդյունավետ քննարկում են ունեցել»։
Մաքքարթին նաև աել է, որ ինքը «երբեք» չի առաջարկի Ներկայացուցիչների պալատին բարձրացնել պետական պարտքի առաստաղը և, նրա կարծիքով, ժամանակն է, որ օրենսդիրները «փոխեն դաշնային ծախսերի ուղղությունը»:
ԱՄՆ նախագահը Մաքքարթիի հետ վերջին հանդիպումը նույնպես «արդյունավետ» է անվանել։
«Ես հենց նոր ավարտեցի արդյունավետ հանդիպումը խոսնակ Մաքքարթիի հետ՝ կապված դեֆոլտից խուսափելու և մեր տնտեսության համար աղետից խուսափելու անհրաժեշտության հետ», - ասել է Բայդենը Սպիտակ տան կողմից հրապարակված հայտարարության մեջ:
Նրա խոսքով՝ իրենք համաձայնել են, որ «դեֆոլտը բացառվում է»։
«Չնայած տարաձայնություններին, խոսնակը և ես (...) կշարունակենք քննարկել առաջընթացի ուղիները»,- ասել է Բայդենը։
Հանդիպումից առաջ նախագահը ասել է, որ «լավատես է, որ մենք որոշակի առաջընթաց կունենանք»:
«Մենք բյուջեի շուրջ համաձայնություն կունենանք, իսկ Ամերիկան դեֆոլտ չի ունենա»,- ասել է նա՝ հավելելով, որ «այլընտրանք չկա»։
