Զապորոժիեի ԱԷԿ-ի սեփական էլեկտրամատակարարումն անցել է դիզելային գեներատորների՝ 750 կՎ լարման դասով վերջին բարձրավոլտ գծի անջատման պատճառով, հաղորդում է կայանի Telegram ալիքը։

«750 կՎ բարձրավոլտ գծի անջատման հետևանքով Դնեպրի և Զապորոժիեի ԱԷԿ-երը կորցրել են արտաքին էլեկտրամատակարարումը: Սեփական կարիքների համար էլեկտրաէներգիան ապահովվում է դիզելային գեներատորներից»,- ասվում է հաղորդագրության մեջ։

Գծի անջատման պատճառները հետաքննվում են։

ԱԷԿ-ի տեղամասում, սանիտարական պաշտպանության գոտում և դիտակետում ռադիացիոն ֆոնը նորմալ է: