ԱՄՆ-ն Հայաստանին առաջարկում է «ռուսներին դուրս քշել» իր տարածքից, սա սադրանք է. Լավրով
Ռուսաստանը Հայաստանին ուղղված ԱՄՆ-ի առաջարկը՝ «ռուսներին դուրս մղել» իր տարածքից և օգնել անվտանգության ապահովմանը, բացահայտ սադրանք է համարում, այս մասին «Царьград» հեռուստաալիքին տված հարցազրույցում հայտարարել է Ռուսաստանի Դաշնության արտաքին գործերի նախարար Սերգեյ Լավրովը։
«Ես գիտեմ, որ հայերին, մենք նման տեղեկություններ ունենք, նրանք (ԱՄՆ-ն) ասում են՝ եկեք մեզ մոտ, ռուսներին հանեք ձեր տարածքից, սահմանապահներին էլ, հանեք ռազմաբազան, ամերիկացիները կօգնեն ապահովել անվտանգություն։ Բացահայտ սադրանք. սա էլ դիվանագիտություն չէ», - նշել է ՌԴ արտգործնախարարը։
