ՏԵՍԱՆՅՈՒԹ. ՌԴ նախկին փոխվարչապետը վրդովված է Մոսկվայում` մայիսի 9-ին անցկացված տոնակատարությունից
ՌԴ նախկին փոխվարչապետ Դմիտրի Օլեգովիչ Ռոգոզինը Telegram-ի իր ալիքում գրել է, որ Մոսկվայի իր գործընկերները պետք է կենտրոնանան ներկայիս պատերազմի և մեր ճակատի խնդիրների վրա:
«Երեկ, ասում են, Մոսկվայում հրավառություն է եղել։ Ի՞նչ է, Բախմուտը վերցրի՞ն, Դոնբասը ազատագրեցի՞ն, Կիևը կապիտուլացա՞վ:
Եվ ... Սա, պարզվում է, ի պատիվ ԽՍՀՄ-ի անցյալի հաղթանակների ...
Ինձ թվում է, որ Մոսկվայի իմ գործընկերները պետք է կենտրոնանան ներկայիս պատերազմի և մեր ճակատի խնդիրների վրա։ Իսկ դրանք կան և շատ մեծ են» - գրել է նա:
Նշենք, որ երեկ Ռուսաստանի մայրաքաղաքում տոնական հրավառություն է եղել՝ նվիրված Հայրենական մեծ պատերազմում տարած հաղթանակի 78 ամյակին:
Հիշեցնենք` Ուկրաինայի ԱԳՆ-ն ոչ բարեկամական քայլ է անվանել Մոսկվայում տեղի ունեցող տոնակատարություններին ԱՊՀ երկրների ղեկավարների մասնակցությունը:
