Ուկրաինայի ԱԳՆ-ն ոչ բարեկամական քայլ է անվանել ԱՊՀ երկրների ղեկավարների մասնակցությունը Մոսկվայում միջոցառմանը
Ուկրաինայի ԱԳն-ն ոչ բարեկամական քայլ է անվանել Հայաստանի, Ղազախստանի, Ղրղզստանի, Տաջիկստանի, Թուրքմենստանի և Ուզբեկստանի ղեկավարների մասնակցությունը Հայրենական մեծ պատերազմում հաղթանակի 78-րդ տարեդարձի կապակցությամբ Մոսկվայում տեղի ունեցող տոնակատարություններին: Տեղեկությունը հայտնել է ՏԱՍՍ-ը։
«Վերոնշյալ օտարերկրյա պետությունների ղեկավարների մասնակցությունը հրապարակային միջոցառմանը համարում ենք ոչ բարեկամական քայլ Ուկրաինայի նկատմամբ, արհամարհանքի դրսևորում ուկրաինացի ժողովրդի նկատմամբ»,- ասված է հայտարարության մեջ։
Նշենք, որ Ուկրաինայի ԱԳՆ հայտարարության մեջ չի նշվում Բելառուսի նախագահ Ալեքսանդր Լուկաշենկոյի անունը:
