Լևոն Երանոսյանը` Վլադիմիր Գասպարյանի դստեր չաշխատելու և կոչում ստանալու մասին
Հայտնի է, որ ՀՀ նախկին ոստիկանապետ Վլադիմիր Գասպարյանի դստեր նկատմամբ յուրացման և վատման հատկանիշներով քրեական հետապնդում է հարուցվել։
Գասպարյանի դուստրը հոր և ոստիկանության զորքերի նախկին հրամանատար Լևոն Երանոսյանի հրամաններով տարբեր տարիների տարբեր պաշտոնների է նշանակվել ոստիկանությունում։ Սակայն, ըստ դատախազության, մինչև պաշտոնավարման ավարտը նա ծառայության չի ներկայացել, ծառայողական պարտականությունները չի կատարել:
«Ես տեղյակ չեմ եղել, որ ինքը գործի չի եկել։ Ի՞նչ կոչում։ Դե եթե մարդը ծառայում է, արդեն պարզ է էլի, որ մի օր կոչում պիտի ստանա։ Ի՞նչ գնդապետի կոչում, փոխգնդապետի կոչում է եղել։ Հիմա ի՞նչ եք ուզում, ինձ հիմա բերել են դատարան հենց դրա համար, որ տեսնեն՝ ճիշտ եմ եղել, թե չէ»,- նշել է Լևոն Երանոսյանը։
