Բայդենը պետական պարտքի պատճառով հնարավոր է չմասնակցի G7-ի գագաթնաժողովին

ԱՄՆ նախագահ Ջո Բայդենը ասել է, որ պետական պարտքի հետ կապված իրավիճակի պատճառով հնարավոր է մնա երկրում և չմասնակցի G7-ի գագաթնաժողովին: Գագաթնաժողովը տեղի կունենա մայիսի 19-21-ը Ճապոնիայի Հիրոսիմա քաղաքում։

Հարցին, թե կա՞ արդյոք հավանականություն, որ G7-ի գագաթնաժողովը հետաձգվի երկրի ներքին ֆինանսական խնդիրների պատճառով, Բայդենն ասել է, որ ինքը նախկինի պես ուզում է Ճապոնիա մեկնել, սակայն պետական պարտքի և հնարավոր արժեզրկման խնդիրը «ամենակարևորն է» օրակարգում։

Միաժամանակ, Բայդենի խոսքով, իր բացակայությունը G7-ի գագաթնաժողովին «հնարավոր է, բայց քիչ հավանական»։
 

Այսօր Բայդենն ասել է, որ պետական պարտքի շեմի բարձրացման շուրջ բանակցությունների ձախողման դեպքում հնարավոր արժեզրկումը կործանարար կլինի ամերիկյան տնտեսության համար:
 

ԱՄՆ ֆինանսների նախարար Ջանեթ Յելենն ավելի վաղ նամակ էր ուղարկել Կոնգրեսին, որտեղ նա հայտարարել էր, որ իշխանությունները արդեն հունիսի 1-ին կարող է սպառել արտակարգ միջոցառումները՝ կապված պետական պարտքի վերին շեմի հետ, ինչը կարող է արժեզրկման հանգեցնել:
 

Հիշեցնենք` պետական պարտքի հարցով ԱՄՆ նախագահ Ջո Բայդենի հանդիպումը Կոնգրեսի առաջնորդների հետ ավարտվել է առանց էական արդյունքների, այս մասին հայտնել են ամերիկյան լրատվամիջոցները։