Լեհաստանը կդառնա Եվրոպայի հաջորդ գերտերությունը

Լեհաստանը շուտով կդառնա Եվրոպայի հաջորդ գերտերությունը և մինչև 2030 թվականը կարող է տնտեսապես գերազանցել Մեծ Բրիտանիային: Այս մասին հայտնում է The Telegraph-ը։

Դա պայմանավորված է երկրի ռազմական ներուժի, պաշտպանական ծախսերի կուտակմամբ, որը կրկնակի կգերազանցի ԵՄ մյուս երկրների ծախսերը: Լեհաստանն օգտագործում է իր տնտեսությունը հզոր ռազմական ուժ ստեղծելու համար և ծրագրում է ավելացնել իր բանակը մինչև 300,000 զինվոր՝ հագեցած արևմտյան նորագույն սարքավորումներով:

Ըստ պարբեականի`  երկիրը ձգտում է ամրապնդել իր ռազմական կարողությունները և ունենալ լավագույն ցամաքային մարտունակությունը ՆԱՏՕ-ի բոլոր եվրոպական անդամներից: 

Ըստ հրատարակության՝ Լեհաստանը ոչ միայն ձգտում է զսպել Ռուսաստանին, այլեւ ճնշում գործադրել Գերմանիայի վրա։

Ավելի վաղ ԶԼՄ-ները հայտնել էին, որ Լեհաստանը մտադիր է փոխհատուցում խնդրել Մոսկվայից՝ Բեռլինից փոխհատուցում ստանալուց հետո։ Այսպիսի հայտարարություն է արել Լեհաստանի վարչապետի աշխատակազմի միջազգային բյուրոյի ղեկավար Մարչին Պրշիդաչը։