ԱԽ քարտուղար Արմեն Գրիգորյանը` «Նեմեսիսն» ապամոնտաժելու պահանջի մասին
Հայ թուրքական հարաբերությունների կարգավորումը պետք է լինի առանց նախապայմանների։ Այսօր Հաղթանակի զբոսայգում այս մասին ասել է ՀՀ ԱԽ քարտուղար Արմեն Գրիգորյանը։
Թուրքիայի արտգործնախարար Մևլութ Չավուշօղլուն հայտարարել է, թե թե Հայաստանը պետք է ապամոնտաժի Երևանում տեղադրված հուշարձանը, որը նվիրված է «Նեմեսիս» գործողության հերոսներին:
«Արձանի հարցը Հայաստանի ներքին հարցն է, և որևէ մեկն իրավունք չունի այդ հարցերում խառնվել», - ասել է Արմեն Գրիգորյանը։
Ավելի վաղ հայտնի էր դարձել, որ ապրիլի 29-ին Անկարան, առանց նախնական ծանուցման, չեղյալ է համարել Flyone Armenia-ին նախկինում տրված թույլտվությունը Թուրքիայի օդային տարածքով դեպի Եվրոպա թռիչքներ իրականացնելու համար՝ դա բացատրելով Երևանում «Նեմեսիս» գործողության հերոսների հուշարձանի բացմամբ.
Նշենք, որ պաշտոնական Անկարան, Թուրքիայի արտգործնախարար Մևլութ Չավուշօղլուի բերանով, պահանջել էր ապամոնտաժել Երևանում տեղադրված հուշարձանը։
