Ջո Բայդենը հերթական հակառեկորդն է սահմանել

ԱՄՆ նախագահի պաշտոնում Ջո Բայդենի գործունեությանը հավանություն է տալիս The Washington Post-ի և ABC հեռուստաալիքի կողմից անցկացված սոցիոլոգիական հարցման մասնակիցների միայն 36%-ը։ 
 

Նշվում է, որ սա նոր ցածր մակարդակ է նրա երդմնակալությունից ի վեր՝ փետրվարին Բայդենին աջակցել է հարցվածների 42%-ը։ Բացի այդ, հարցման մասնակիցների 56%-ը հավանություն չի տալիս նրա աշխատանքին։

Հարցին, թե ով է ավելի արդյունավետ լուծում տնտեսական խնդիրները՝ Բայդենը, թե նրա նախորդը՝ Դոնալդ Թրամփը, հարցվածների 36%-ը պատասխանել է, որ «առայժմ» Սպիտակ տան ներկայիս ղեկավարը ավելի լավ է աշխատում, 54%-ը նախընտրել է նախկին նախագահին։