Թուրքիան օդային տարածքը փակել է նաև Փաշինյանի օդանավի համար․ Չավուշօղլու
Հայաստանը անհավասարակշիռ է իր հայտարարությունների եւ վարած քաղաքականության մեջ։ Այս մասին հայտարարաել է Թուրքիայի ԱԳ նախարար Մեւլութ Չավուշօղլուն թուրքական 24TV–ի հետ հարցազրույցի ժամանակ։ Այսպիսով նա մեկնաբանել է հայկական օդանավերի համար Թուրքիայի տարածքը փակելու և դրա պատճառների մասին։
«Որոշ դեպքերում տեսնում ես դրական մի հայտարարություն եւ հանկարծ լրիվ հակառակ մի գործողություն։ Ցավոք, մենք մեր ուզած անկեղծությունը չենք տեսնում։ Հայաստան–Ադրբեջան–Թուրքիա համագործակցությունը ամենաշատը հենց Հայաստանի շահերից է բխում։ Երկրաշարժին եկան, օգնեցին։ ԱԳ նախարարը եկավ Անկարա, մենք էլ շնորհակալություն հայտնեցինք։ Բայց հիմա մեր դիվանագետներին սպանողների հուշարձանն են տեղադրել։ Մենք ժեստեր արել էինք։ Մեր օդային սահմանը բացել էինք, հիմա փակեցինք։ VIP օդանավերի համար էլ ենք փակել, այդ թվում Փաշինյանի օդանավի համար»,–ասել է Չավուշօղլուն։
