Հայաստանը միջազգային փաստահավաք խմբի ներկայությունը ԼՂ–ում համարում է անհրաժեշտ. Փաշինյան

Անցակետ տեղադրելու Ադրբեջանի որոշումը, ընդգծեց ՀՀ վարչապետը, 2020 թվականի նեյոմբերի 9-ի հայտարարության և Արդարադատության միջազգային դատարանի` փետրվարին կայացրած որոշման կոպիտ խախտում են։ Այս մասին այսօր նշել է  է ՀՀ վարչապետ Նիկոլ Փաշինյանը Չեխիայի կառավարության ղեկավար Պետր Ֆիալայի հետ համատեղ ասուլիսի ժամանակ։

«Դրա պատճառն այն է, որ չնայած հանրահայտը պայմանավորվածություններին Ադրբեջանը շարունակում է ուժի և ուժի սպառնալիքի կիրառման քաղաքականությունը` անընդհատ էսկալացնելով իրավիճակը Հայաստանի սահմանին, ԼՂ ում և Լաչինի միջանցքում»,– հայտարարել է  վարչապետը։

Ըստ Փաշինյանի` արդեն 4 ամիս է` ԼՂ ժողովուրդը զրկված է ազատ տեղաշարժվելու իրավունքից, Ադրբեջանը խափանել է գազի ու էլեկտրաէներգիայի մատակարարումը, իսկ սնունդը ԼՂ –ում վաճառվում է կտրոններով։ 

«Դա նշանակում է որ այնտեղ հաստատված է հումանիտար ճգնաժամ, վարչապետ Փաշինյանն ու հավելեց, որ հայկական կողմի գնահատմամբ` Ադրբեջանի գործողությունները ԼՂ հայերի էթնիկ զտում իրականցնելու նախապատրաստություն է»։

Այս համատեքստում Հայաստանը միջազգային փաստահավաք խմբի ներկայությունը ԼՂ –ում ու Լաչինում համարում է անհրաժեշտ։

Հիշեցնենք` 2022–ի դեկտեմբերի 12-ից Շուշի-Քարին տակ խաչմերուկի հատվածում քաղաքացիական հագուստով մի խումբ ադրբեջանցիներ բնապահպանական պատճառաբանությամբ փակել են Արցախը Հայաստանին կապող Ստեփանակերտ-Գորիս մայրուղին։