«Վագներ» մասնավոր ռազմական կազմակերպության հիմնադիր Եվգենի Պրիգոժինը հայտարարել է Ուկրաինայի զինված ուժերի հակահարձակման պատրաստակամության մասին։ Այս մասին Պրիգոժինն ասել է լրագրող Սեմյոն Պեգովի հետ տեսազրույցում։

Պրիգոժինի խոսքով ուկրաինական զորքերը առաջ չեն գնացել վատ եղանակի և, հնարավոր է, «որոշ ներքին խնդիրների պատճառով:

«Միգուցե մայիսի 9-ին մեզ ընդմիջում տան։ Ուկրաինական բանակն ավարտել է նախապատրաստական ​​աշխատանքները և ամենայն հավանականությամբ, կսկսի իր հակահարձակումը մինչև մայիսի 15-ը։ Մինչև մայիսի 15-ը Ուկրաինայի Զինված ուժերի հակահարձակումը կլինի 100%-ով»,- փաստել է Պրիգոժինը:

«Վագներ» մասնավոր ռազմական ընկերությանհիմնադիր Եվգենի Պրիգոժինը ներկա չի լինի Մոսկվայում Հաղթանակի շքերթին։ 

«Ոչ. Մենք շատ աշխատանք ունենք անելու»,- ասել է Պրիգոժինը հարցին ի պատասխան։

Հիշեցնենք, որ ապրիլի 28-ին Կրեմլի խոսնակ Դմիտրի Պեսկովը հայտարարեց, որ հատուկ ռազմական գործողությունների մարտիկների ստորաբաժանումները կմասնակցեն Կարմիր հրապարակում Հայրենական մեծ պատերազմում տարած հաղթանակի 78-րդ տարեդարձին նվիրված շքերթին։