Վիզային ռեժիմի հնարավոր սահմանումը կլինի քայլ՝ ուղղված ոչ թե Մոսկվայի, այլ Երևանի դեմ. Զախարովա

Հայաստանի կողմից Ռուսաստանի քաղաքացիների համար վիզային ռեժիմի հնարավոր սահմանումը կլինի քայլ, որն ուղղված կլինի ոչ թե Մոսկվայի, այլ հենց Երևանի դեմ: Արևելյան տնտեսական համաժողովում հայտարարել է Ռուսաստանի արտաքին գործերի նախարարության պաշտոնական ներկայացուցիչ Մարիա Զախարովան։

«Եթե Հայաստանը հանկարծ նաև վիզաներ սահմանի, ապա դրանք կսահմանի ոչ թե մեր դեմ, այլ սեփական քաղաքացիների դեմ», — լրագրողներին ասել է Զախարովան։

Նա ընդգծել է, որ այդ որոշումը կազդի նաև Ռուսաստանի այն քաղաքացիների վրա, որոնք Հայաստանում բազմաթիվ հարազատներ ունեն։