Մենք ռուսական շուկայից չենք պատրաստվում հրաժարվել. Գևորգ Պապոյան

Մենք ռուսական շուկայից չենք պատրաստվում հրաժարվել, ակտիվ աշխատում ենք ռուս գործընկերների հետ: Այս մասին Հանարայինի եթերում ասել է Էկոնոմիկայի նախարար Գևորգ Պապոյանը:

ՀՀ էկոնոմիկայի նախարարը Հանրային հեռուստաընկերության եթերում ասել է, որ ռուսական կողմի բարձրացրած խնդիրները քննարկվում են ռուս գործընկերների հետ։ 

«Մենք ոչ թե ասում ենք՝ դրա հետ համաձայն չենք ու ոչ մի բան չենք անելու, այլ բարձրացրած բոլոր հարցերին տալիս ենք լուծումներ»,- ասել է նա։

Պապոյանը վստահեցրել է, որ այս ընթացքում Երևանը կարողացել է մի շարք ուղղություններով արտահանման դիվերսիֆիկացիա ապահովել։