ՏԵՍԱՆՅՈՒԹ․ Զանգվածային բախումներ ֆրանսիական Լիոնում՝ կաթսաներով ցուցարարների և ոստիկանների միջև

Ֆրանսիական Լիոնում երեկ զանգվածային բախումներ են տեղի ունեցել ոստիկանության և կենսաթոշակային բարեփոխումների դեմ ցուցարարների միջև։

Ինչպես նշում են ԶԼՄ-ները՝ կենսաթոշակային բարեփոխումներից դժգոհ ցուցարարները դատարկ կաթսաներով փորձել են ներխուժել Լիոնի համալսարան։

Տեղի ոստիկանությունը ստիպված է եղել մեծ ջանքեր գործադրել նրանց զսպելու համար։

Ինչպես ավելի վաղ հայտնել էինք՝ Ֆրանսիայի մի շարք քաղաքներում երկրի նախագահ Էմանուել Մակրոնի վերընտրության տարեդարձի կապակցությամբ ինքնաբուխ ցույցեր են տեղի ունեցել։ 

Հիշեցնենք, որ ապրիլի 15-ին Մակրոնը ստորագրեց աղմկահարույց օրենքը կենսաթոշակային բարեփոխումների մասին։ Ապրիլի 14-ին Ֆրանսիայի Սահմանադրական խորհուրդը հաստատել էր երկրում կենսաթոշակային տարիքի բարձրացումը մինչև 64 տարեկան:

Իրավապահ մարմինները Փարիզում 112 մարդու են ձերբակալել կենսաթոշակային բարեփոխումների դեմ բողոքի ակցիաների շրջանակում։