ՏԵՍԱՆՅՈՒԹ․ Այրվում է վտանգավոր հեղուկներով հսկայական պահեստ․ ՌԴ
ապրիլի 19-ի ցերեկը Նիժնի Նովգորոդի մարզի Ձերժինսկ քաղաքում հրդեհ է բռնկվել Ավտոզավոդսկոյե մայրուղու 99-ում գտնվող պահեստում: Այս մասին հայտնում են տեղի լրատվականները հղում անելով՝ ՌԴ ԱԻՆ-ի ծառայությանը։
Հրդեհի մակերեսը կազմել է 4 հազար քառ. Տեղում աշխատում է 80 մարդ և 27 միավոր տեխնիկա։ Տուժածների մասին տեղեկություններ դեռ չեն հաղորդվում։
«Ռուսաստանի Արտակարգ իրավիճակների նախարարության հրշեջ գնացքը և Մի-8 ուղղաթիռը բերվել են մարտական պատրաստության։ Հրդեհի մարումը բարդանում է շենքի բարձր հրդեհային ծանրաբեռնվածության պատճառով, ներսում կան դյուրավառ հեղուկներով տարաներ»,- ասվում է հաղորդագրության մեջ։
Ռոսպոտրեբնադզորի մարզային վարչության տվյալներով՝ հրդեհը տեղի է ունեցել «НПК «Астат» ՍՊԸ-ի տարածքում։
