ՏԵՍԱՆՅՈՒԹ․ Ղրղզստանում խոշոր ավտովթար է եղել․ տուժածները դպրոցականներ են
Ղրղզստանի Բիշքեկ-Մանաս օդանավակայան տանող ավտոճանապարհին երեխաներով ավտոբուս է շրջվել։ Այս մասին հայտնում է Sputnik Кыргызстан տելեգրամյան ալիքը։
«Ականատեսների վկայությամբ՝ GoBus միկրոավտոբուսը մխրճվել է դպրոցականների ավտոբուսի մեջ։ Ընդհանուր առմամբ ավտոբուսում եղել է 18 անչափահաս։ Բիշքեկի շտապ օգնության կենտրոնը հայտնել է, որ երեխաները հոսպիտալացվել են։ Նրանցից չորսն այս պահին գտնվում են վերակենդանացման բաժանմունքում, մեկի վիճակը ծանր է։ Միջադեպի այլ մանրամասներ առայժմ չկան»,- ասվում է հղորդագրության մեջ։
