Արսեն Հարությունյանը երրորդ անգամ դարձավ ըմբշամարտի Եվրոպայի չեմպիոն
Խորվաթիայի մայրաքաղաք Զագրեբում ընթացող ըմբշամարտի Եվրոպայի առաջնությունում ազատ ոճայինների 61 կգ քաշային կարգում չեմպիոն է հռչակվել Արսեն Հարությունյանը՝ եզրափակչում պարտության մատնելով Ալբանիայի ներկայացուցիչ Զելիմխան Աբակարովին։
23-ամյա հայ ըմբիշն իր պայքարը սկսել էր քառորդ եզրափակչից, որտեղ 7։0 հաշվով պարտության էր մատնել թուրք Էմրահ Օրմանօղլուին։
Կիսաեզրափակչում Արսեն Հարությունյանը Ֆրանսիան ներկայացնող հայ ըմբիշ Արման Էլոյանին հաղթել է 10։0 հաշվով։
Եզրափակչում հայ ըմբիշը Աբակարովի նկատմամբ առավելության հասավ 5։2 հաշվով և իր կարիերայում երրորդ անգամ դարձավ Եվրոպայի չեմպիոն։
