ԱՄՆ-ում դեֆոլտը ժամանակի հարց է. Մասկ
Ամերիկացի ձեռնարկատեր Իլոն Մասկը հայտարարել է, որ ԱՄՆ-ում դեֆոլտը ժամանակի հարց է։ Այս մասին նա ապրիլի 19-ին հրապարակել է Twitter-ի իր էջում։
«Հաշվի առնելով դաշնային ծախսերը՝ խնդիրն այն է, թե երբ, այլ ոչ թե եթե մեզ մոտ դեֆոլտ կսկսվի»,- գրել է Մասկը։
Նրա ուղերձը պատասխանն էր նույն սոցցանցում Սպիտակ տան հրապարակմանը։ Այդ օրը ավելի վաղ ԱՄՆ նախագահ Ջո Բայդենի նստավայրի պաշտոնական աքաունթում հաղորդագրություն էր հայտնվել, որ հանրապետականների միակ ծրագիրը, թե ինչպես լուծել պետական պարտքի հարցը, կարող է լինել միայն դեֆոլտը:
