ԱՄՆ-ում ավելի քիչ մարդ կտիրապետի գաղտնի տեղեկություններին

ԱՄՆ կառավարությունը կսահմանափակի պաշտոնյաների հասանելիությունը գաղտնի տեղեկություններին՝ հաշվի առնելով Պենտագոնից տեղի ունեցած աղմկահարույց արտահոսքը: Այս մասին նշվում է ԱՄՆ նախագահ Ջո Բայդենի համապատասխան գրավոր հայտարարության մեջ։

«Ես հրահանգել եմ մեր ռազմական և հետախուզական համայնքին քայլեր ձեռնարկել՝ ամրապնդելու զգայուն տեղեկատվության անվտանգությունը և սահմանափակելու դրա տարածումը, և մեր ազգային անվտանգության թիմը սերտորեն համակարգում է գործողությունները գործընկերների և դաշնակիցների հետ»,- նշվում է փաստաթղթում։

Բայդենը նաև բարձր է գնահատել ԱՄՆ-ի «իրավապահ մարմինների արագ գործողությունները»՝ կապված «ամերիկյան կառավարության գաղտնի փաստաթղթերի վերջին տարածման հետ»։