Արևմուտքը ուկրաինական հակամարտության անմիջական մասնակից է․ Լավրով
Արևմտյան երկրներն ուկրաինական հակամարտության անմիջական մասնակիցներ են, հայտարարել է ՌԴ ԱԳ նախարար Սերգեյ Լավրովը։
«Ուկրաինայի ղեկավարներն իրենք են ասում, որ եթե չշարունակվի Ուկրաինային ավելի ու ավելի շատ հարձակողական զենքի մատակարարումը, իրենք կպարտվեն։ Այս խոստովանությունը միայն մեկ բան է նշանակում. Արևմուտքն անմիջականորեն այս հակամարտության մասնակիցն է»,- ասել է նա կուբայական Prensa-Latina հրատարակությանը տված հարցազրույցում։
Դիվանագետի խոսքով, եթե չլինեին արևմտյան երկրները, Ուկրաինայում հակամարտությունը վաղուց ավարտված կլիներ, և այդ ժամանակ կվերացվեին 2014 թվականի հեղաշրջման սկզբից ռուսալեզու բնակչության գլխին «կախված» սպառնալիքները։ Լավրովի խոսքով՝ Կիևի ռեժիմը Արևմուտքն օգտագործել է ոչ միայն ռուսական ամեն ինչը ոչնչացնելու, այլև Ուկրաինայի տարածքում Ռուսաստանի Դաշնության անվտանգությանն ուղղակի սպառնալիքներ ստեղծելու համար։
