Օրվա ընթացքում 2-րդ երկրաշարժը՝ Ադրբեջանում
Երկրաշարժ է տեղի ունեցել Ադրբեջանի Շամքորի շրջանում, հայտնում է հանրապետական սեյսմոլոգիական ծառայության կենտրոնը։ Տեղեկատվությունը փոխանցում են ադրբեջանական լրատվականները։ նշվում է, որ երկրաշարժը տեղի է ունեցել տեղական ժամանակով 12:27-ին, Շամքորի շրջանի Գադաբայ կայարանից 37 կմ հյուսիս-արևելք։ Երկրաշարժը եղել է 4 մագնիտուդ ուժգնությամբ։
Հիշեցնենք՝ այսօր ևս մեկ երկրաշարժ է տեղի ունեցել Ադրբեջանում։ Ստորգետնյա ցնցումները գրանցվել էին տեղական ժամանակով 11:13-ին Իսմայիլի շրջանում։
