Ղազախստանն առաջին անգամ իր նավթն ուղարկել է Ադրբեջանով՝ շրջանցելով Ռուսաստանը

Ղազախստանն իրականացրել է իր նավթի առաջին փորձնական առաքումը Կասպից ծովով՝ շրջանցելով Ռուսաստանը Ադրբեջանի տարածքով։ Այս մասին, հղում անելով «Ադրբեջանական Կասպյան նավագնացության ընկերության» (ASCO) կայքին, հայտնում է «Forbes»-ը։

Փորձնական բեռնափոխադրումը` ցույց է տվել երկաթուղային տրանսպորտով նավթի արտահանման ուղիների դիվերսիֆիկացման հնարավորությունը դեպի Անդրկասպյան ճանապարհ։

Այժմ ղազախական նավթի արտահանման հիմնական ուղին անցնում է Ռուսաստանի տարածքով՝ Կասպյան խողովակաշարային կոնսորցիումի խողովակաշարային համակարգով դեպի Նովոռոսիյսկ, որտեղից վառելիքը ծովով ուղարկվում է իր ուղղություններով: 

2022 թվականի հուլիսին Ղազախստանի նախագահ Կասիմ-Ժոմարտ Տոկաևը հանձնարարել է նավթի մատակարարման նոր ուղիներ ստեղծել՝ շրջանցելով Ռուսաստանը, այդ թվում՝ ծովով։