Շվեյցարիան փորձում է փրկել երկրի համար երկրորդ խոշոր բանկը, որը սնանկացման եզրին է
Շվեյցարական իշխանությունները քայլեր են ձեռնարկում երկրի մեծությամբ երկրորդ՝ Credit Suisse բանկը սնանկացումից փրկելու ուղղությամբ։
Շվեյցարական դաշնային կառավարության որոշման համաձայն, 1856 թվականին ստեղծված Credit Suisse-ը գնելու է երկրի ամենախոշոր ֆինանսական հաստատությունը՝ UBS բանկը։ Այդ նպատակով Շվեյցարիայի կենտրոնական բանկը UBS-ին շուրջ 100 միլիարդ ֆրանկի (108 միլիարդ ամերիկյան դոլար) օգնություն կտրամադրի։
Credit Suisse-ում առկա ճգնաժամի մասին տեղեկությունները շրջանառվում էին վերջին մի քանի ամիսների ընթացքում։
Փետրվարին բանկը հայտարարեց խոշոր ֆինանսական կորուստների մասին։
Իրավիճակն էլ ավելի վատթարացավ ամերիկյան Silicon Valley և Signature բանկերի սնանկացումից հետո։
Շվեյցարական RTS հեռուստաալիքի հաղորդմամբ՝ շվեյցարական «Credit Suisse» բանկի բաժնետոմսերը երկուշաբթի օրը Ցյուրիխի բորսայում սակարկությունների բացման ժամանակ էժանացել են 63,7%-ով, իսկ UBS բանկի բաժնետոմսերը նվազել են 8,77%-ով:
