ՏԵՍԱՆՅՈՒԹ. Ադրբեջանցի մարզիչը իրենց ըմբիշի թեվից բռնեց բերեց մեզ մոտ. հավաքականի գլխավոր մարզիչը պատմում է
Մինչև 23 տարեկանների հունահռոմեական ոճի ըմբշամարտի Եվրոպայի առաջնության արծաթե մեդալակիր դարձած Կարապետ Մանվելյանի ու ադրբեջանցի ըմբիշի միջև տեղի ունեցած միջադեպը շարունակվում է քննարկվել համացանցում։
Հիշեցնենք, որ օրերս Հայաստանի ներկայացուցիչ Կարապետ Մանվելյանի հետ մենամարտող ադրբեջանցի ըմբշամարտիկ Ռահիմ Հասանովը որակազրկվել է։ Բանն այն է, որ հաղթանակից հետո Մանվելյանը մոտեցել է Հասանովին` ձեռքը սեղմելու, սակայն վերջինս հարվածել է հայ ըմբիշին։
«Հենց սկզբից երեւում էր, որ այդ մարզիկը թույլ էր Կարապետից։ Թեպետ մենք էլ սկզբում չէինք պատկերացնում, որ Կարապետը կարող է այդպիսի մաքուր հաղթանակ գրանցել։ Կարապետը ձեռքը մեկնեց, նա փոխարենը հարված հասցրեց։ Գուցե ադրբեջանցին շատ վիրավորված էր։ Նա դրսում մոտեցել է ու Կարապետի ձեռքը սեղմել։ Մարզիչներն էլ մոտեցան ու մեզնից ներողություն խնդրեցին, իսկ ես ասացի, որ սպորտը չխառնեն քաղաքականության հետ»,- հրավիրած մամուլի ասուլիսի ժամանակ ասել է հավաքականի գլխավոր մարզիչ Արմեն Բաբալարյանը։
