Յակուտիայում Ան-24 ինքնաթիռը բախվել է էլեկտրահաղորդման գծի սյանը
Յակուտիայում Ան-24 ինքնաթիռը, որում եղել են անձնակազմի չորս անդամներ և 14 ուղևորներ, թռիչքուղու վրա երթևեկելիս բախվել է էլեկտրահաղորդման գծի հենասյունին, ոչ ոք չի տուժել, սակայն օդանավը վնասվել է, հետևում է ավիաընկերության և Քննչական կոմիտեի հաղորդագրություններից։
Ինչպես հայտնում է «Polar Airlines» ավիաընկերության մամուլի ծառայությունը, միջադեպը տեղի է ունեցել ուրբաթ օրը Յակուտիայի Բելայա Գորա գյուղի օդանավակայանում հերթական վայրէջքից հետո։
«Կայանատեղի մտնելիս աջ կիսաթևը բախվել է օդանավակայանի մանևրման գոտում գտնվող էլեկտրահաղորդման գծի աշտարակին։ Միջադեպի հետևանքով զոհեր չկան։ Օդային տրանսպորտի դաշնային գործակալության տարածքային տնօրինությունը նախատեսել է երթևեկության ստուգում»,- ասվում է հաղորդագրության մեջ։
ՌԴ Քննչական կոմիտեի տրանսպորտի արևելյան միջտարածաշրջանային քննչական վարչության տվյալներով՝ Յակուտսկ-Բելայա Գորա երթուղին ընթացող ինքնաթիռում եղել է անձնակազմի չորս անդամ և 14 ուղևոր։
Կատարվում է նախաքննական ստուգում ՌԴ քրեական օրենսգրքի՝ օդային տրանսպորտի շահագործման կանոնները խախտելու հոդվածով։
