«Այդ հարցը վստահաբար կքննարկվի». Հովհաննիսյանը` Միրզոյան-Լավրով հանդիպման մասին
ՀՀ փոխարտգործնախարար Պարույր Հովհաննիսյանը հայտնել է, որ մարտի 20-ին Հայաստանի արտգործնախարար Արարատ Միրզոյանն ու ՌԴ արտգործնախարար Սերգեյ Լավրովը Մոսկվայում կքննարկեն հայ–ադրբեջանական սահմանին ԵՄ առաքելություն տեղակայելու հարցը։
«Բոլորս տեղյակ ենք Ռուսաստանի զգայուն վերաբերմունքի մասին այս հարցում: Հարցը քննարկում ենք գործընկերների հետ։ Դուք գիտեք, որ շուտով նախատեսվում է ԱԳ նախարարի այցը Մոսկվա, և այդ հարցը, այն հարցերից է, որը վստահաբար կքննարկվի»,- ասել է Հովհաննիսյանը։
Հիշեցնենք՝ ՌԴ ԱԳ նախարար Լավրովը մարտի 20-ին Մոսկվայում կբանակցի ՀՀ ԱԳ նախարար Միրզոյանի հետ։
