Մեր որոշ հարևան երկրներ Իսրայելին հենարան են տվել․ եթե մեզ վրա քար նետեն, մենք կպատասխանենք․ ԻՀՊԿ կոնտրադմիրալ

Իրանի զինված ուժերը վճռական կերպով կարձագանքի ցանկացած հարձակման, երկուշաբթի հեռուստատեսային հաղորդման ժամանակ ասել է կոնտրադմիրալ Ալիռեզա Թանգսիրին։ Այս մասին գրում է Mehr-ը։

«Այսօր որոշ հարևան երկրներ մանկասպան Սիոնիստական ​​ռեժիմին (Խմբ․՝ Իսրայել) հենարան են տվել տարածաշրջանում: Սակայն նրանք պետք է իմանան, որ եթե մեզ վրա քար նետեն, մենք կպատասխանենք։ Եթե ​​մեր նավերը բախվեն խնդրի, իրանական քաջությունը դա անպատասխան չի թողնի»,- հայտարարել է ԻՀՊԿ ռազմածովային ուժերի հրամանատարը։

Նշվում է, որ Իրանի ռազմածովային ուժերը վերջին տարիներին մեծ հաջողություններ են գրանցել իրենց սարքավորումների արտադրության և միջազգային ջրերում և բաց ծովերում իրենց ներկայությունն ընդլայնելու գործում: